فرحة عيد#عامية بقلم/إسماعيل مصطفى المحامى والشاعر
أنا رايح العيد ويا صحابى
ومعايا مرقص ونجاتى
فى كنيسة أعيشها بلحظاتى
واخد بركات م اللى جابونا
وأبونا يبارك صلواتى
وأناجى ربى فى سماواتى
واخونا مجدى الكهنوتى
راهب من فترة ف ملكوتى
يدعى لكم ربى ف صلواتى
يحرسكم من شر آت
يحفظ مصر وشعب يومياتى
انا رايح مش راجع تانى
انا رايح للعذرا ساعاتى
وابونا يبارك خطواتى
لاجل تعيشوا بخير يا خواتى
روح يابنى ربنا يرضيك
سلم لى على أبونا سعيد
وال حنا مرقص ومجيد
وأنا جاى ورا منك وازيد
دعواتي بركات فى العيد
ولمصر أرواحنا وما تريد
د هيه الخير واحنا عبيد
ربنا يكفينا العربيد
راح بولس وصحابه العيد
ومعاهم فرحان وسعيد
فى دقيقه الأرواح بتزيد
من خاين إرهابي عنيد
فجر نفسه ف يوم العيد
لاجل نموت والموت لشهيد
نطلع فوق نفرح بالعيد
ندعى لمصر وأم شهيد
لاجل الخير فى بلادنا يزيد
وبشارة رحيلك يوم عيد
انا مصرى ولنصرى نشيد
يا أم القبطى يا ام المسلم
دمنا واحد يجرى يزيد
يشهد إننا عهد وعيد
نبنى بلدنا الايد فى الايد
نهديها روحنا بحب فى عيد
واشهدى فينا يا أم شهيد
إن الروح لبلادنا تزيد
فخر وعز ويوم لشهيد
فرحة عيد#عامية بقلمى/إسماعيل مصطفى موسى.المحامى والشاعر.بلبيس.شرقيه.مصر
الاشتراك في:
تعليقات الرسالة (Atom)
إرسال تعليق
إرسال تعليق