(((ياحسن سومر)))
ياحسن سومر بيج اتصور ....
يلرگبتج بلور صيني ومدور... لوغلطان الوصف....كرستال ايطالي ...
لو منشأ المرمر..... ......
الشباب تروح للبارات ...من ترد تسكر ......وآنه بعيون هاروت اشوفنه
.وماروت ...ببابل ...سنين بيج ...يسحر....وانه من بصة عيونج بساع انضر....
ومن غمزات خدج ...اطوطح ...
وراسي من سكر حسنج ..بي صار يفتر....اشعلت روحي جكاره ...وكلبي جداحة جيكاير
...وانت ولاجن مقدره حسبتي يمج ....يابعد روحي ...
صرتي عشتار ألي ...
وانه سادن أبمعبدج ...اخدم باليزورج ..وارد من هيبتج ...عنج اتكتر ....
ذوكيني جلمة احبك ....يا بعد عمري....وروحن الج فدوه...
بس غطيلي ...بشال هل المنحر....
ياحسن آشور واكد....ياحسن بابل ..
ياحسن اور...
وانتي بحسنج كفرت الخلك ....عافت ديانة نوح وابراهيم ....
ولصنم عشتارتنذر....
وبدين الخليل اصبحت تكفر......
تدرين يبنت الناس...اتصور غابة شعر عندج ... ماكومثله ...
وآني المشط بيه ...
وطوله باردافج يدك شعره ....
واردافج مصيبه ...للصايم الناسك ...تفطر...
وفوك هذا خصرج ...مامثله خصر بالكون ..الله منه للخلك يستر ...
وريحته ..ريحه فرنسية .....
اليشمه حيل يخدر...
خاف اكلج ..ريحه البجسم براي احله ....هي من جنات النعيم ...
جسمج معطر......
كل هذا شفته بيج ...وتردين ...عن شوفتج اصبر
بقلم عدنان الحسيني 2016*8*6 /العراق/بابل
إرسال تعليق
إرسال تعليق