الله يرحمك يا اجمل ام ــ بقلم الاستاذ محمد عباس / مصر

خواطر بعنوان :

(الله يرحمك يا اجمل ام ):

مين غيرك اشكى له همى . 

فى كل وقت بدعى واسمى ..

وافرح لانى .... كنتى انتى امى ..

دافعتى عنى وقلتى انى .

. ابنى وحبيبى وحته منى ..

. ووقفتى جنبى ضد التحدى ..

وكنتى انتى عزى وحبى ..... ..

ونفسى دعوة وحشتنى منك..

دعاكى نبضى وحسى وحلمى

مش ناسى لما تعبت جنبك 

ولهفت قلبك ترد ضعفى 

وتمحى همى وتزيل عنى 

ارق قلب فى الدنيا امى 

رحلت وتركت واقع يعنى 

مستحيل هنسى حنانك 

وعطف عايش يخلى 

ودموع فرح وشغل بالك

فى كل مرة حظى يجلى 

والناس تقول ادعى وسمى 

وصار دعائك رمز وتمنى

ورضانى ربى بزوجة وحبيبة

حبيبة بنتى وامى الحبيبة 

من حقى اصرخ وحشتينى 

والله يا امى

فى قلبى وعينى 

ويارب فى الجنة .. نتقابل

لانك بعدتى عنى وبجد وحشتينى 

وكلامك بيسعدنى ويبكينى

ربنا يرحمك ويعوضك

وفى الجنة تشوفينى

وبعد مشوار حياتى 

اقول لك وحشتينى 

محمد عباس معلم الاسماعيلية 

اسالكم الدعاء لاقت رب غفور 

14/8/2012م