( انام الليل )
شلون انام الليل
وجروحي تفز فزت النجم
وي السمه،،،،
شلون انام الليل
وجروحي الغميجه تدي
مصحوبه بدمه،،،،
اشلون انام الليل
وايامي اصبحت متلولحه
بخيط الضمه،،،،
يحط عينه الليل
بعيوني الچتيله الذبلاها
وصابها بلحظه بعمه،،،،
بعد ماظل امل
وسراج الصبح اصبح بعيد
والسواد معتمه،،،،،
ياصبح وينك شجاك
وليش ماتسمع ونين الحشمك
وتنادمه،،،،،
الشاعر
عبدالكاظم الساعدي بغداد العراق
إرسال تعليق
إرسال تعليق